بخُورْ الغِيمْ يخْنِق حْنجَرة صَمتِيتنح نح بك ..
تكح كح لك ..
إحم ..
أحب ..أحبك ..
،’أحبكْ ..
قَبلْ تَمتدْ ايدْ الغِيم وتَسرقْ مِن بَحرْ قَطرة ..
وأحبك ..
والسِماء متلَحفّة بِشتْ الغُيومْ ونَاوية سَهرة ..
وأحبك ..
لا تَحايلْ نُور بعَض الشَمسْ ووسْوس للسُحبْ فِكرة ..
’’وأحبك ..
والمِطرْ يَعشَقْ جُنونْ الارضْ بِغْيابَه يِعَذبْها ..
يِلوعْها ..
ينَشفْ رِيقَهآ المِشتَاقْ ..
يَبطِي ما يشْربَها ..
وإذا جَفّت أغَانِيها ..
وإذا يِبسَت أمَانِيها ..

،’
يجِي نَدمَان ..
مِتلهِفْ ..
يِبوسْ أطَرافْ رِجليهَا ..
ويتْعَذّرْ ..
ويقْبَل قَلبَها عِذْرَه ..

،’
وأحبكْ ..
كِثرْ مَابآسْ شُوقْ الغِيمْ قَلبْ الارضْ أو ضَمّه ..

,’وأحبك ..
كِثرْ دَمعْ السِما لا مِن بكَى ..
مَدري حَكى ..
مَدري شِكى ..
للأرضْ مِن هَمه ..

,’
وأحبكْ ..
أحب ..
إحم ..
أكح كح لك ..
أنح نح بك ..
اذا ولّعْ بُخورْ الشُوقْ وحَاصرْ صَمْتي بسِحْرَه ..