ماتغيرشيء .. لكن .. صار فاضي هالمكان
يعني إنت شفت قلبي رحت من عيني وعينه
كان لك قلبي مدينه
ولاحظ إني قلت : كان
يعني إنت الحين واحد
خارج حدود المدينه
ليش مستغرب كلامي وليش أعطيك الأمان
وليش تكذب في كلامك العذر وينك ووينه
ماألومك كان قلبك
ثارت أمواجه وخان
الخطا مني لأني صرت في
 بحرك سفينه
والسؤال اللي كتمته ومانطق فيه اللسان
كيف إيدك إطعنتني وآنا أحسبها أمينه ..؟
جرحي مايرضيه قلبك
لو يجي كله حنان
لو تبوس الجرح فينا
ولو تقبلها إيدينه
يوم أحبك قلت كلمه :
يكرم المرء أو يهان
وإنت قلبي ماكرمته وما قدرت إنك تهينهعزتي
.. ماهي جديده
آنا شامخ من زمان
إغسل إيدك من رجوعي وروح يا إبن اللذينه
طاب خاطر قلبي منك
وهذي الفرقى رهان
وحتى لو قلبي يحبك
ربي بفراقك يعينه
تدري لما قلت أحبك قلت وماعندي ضمان
وإختياري كان خاطىء تجربه بالحيل شينه
كنت تخطي وكنت أسامح مره مرتين وثمان
أدمح الزله عشانك
وأكتم أنفاس الغبينه
كنت أحبك وكنت أعزك
والغلا فيني جبان
خاف تزعل لو ألومك
ضعت مابينك وبينه
في عيون الناس عادي بس في عيني جنان
وكان قلبي من يشوفك تفضحه نظرة حنينه
ماني أول من يحب ومنت آخرشخص خان
المحبه في زمانك [ بحرها ] من غير مينه
الفشل .. كان النتيجه
وأعتقد آن الأوان
أبني مستقبل حياتي
وأنسى قصتنا الحزينه
وخطوتي الأولى غيابك وراح أطبقها عشان
يبكي قلبك لا فقدني
والندم .. يملي سنينه
جاي تسأل عن مكانك !! هو بقى فيني مكان ؟
الله يرحمها المشاعر
اللي كانت لك رهينه
قلت لك [ قلبي مدينه ]
فيها لك حشمه وشان
لكن أنت الحين أغرب شخص في هذي المدينه..